Leikeplassar
Fleire stader i Hjelmeland kan du ta med barna for å leike!
Fister
Fistervågen
Foto: Hjelmeland kommune
Sommaren 2021 fekk bygda seg ny leikeplass nede ved sjøen i Fister sentrum. Her er det klatretårn, rutsjebane og det me kallar for “reilestativ”. Kjært barn har mange namn, og kanskje du kjenner det som eit av desse; Reile? Disse? Huske? Ronse? Føysa? Gynge? Kjekk plass for både barn og vaksne er det uansett! Sommarstid er det jo også veldig forfriskande med eit bad i sjøen.
Mosnes
Foto: Hjelmeland kommune
Køyr mot Grønvik. Når du kjem til krysset ved Solvåg køyrer du til venstre mot byggefeltet på Mosnes. Her finn du også ein rastebenk – ta med ein nistepakke og litt å drikke å nyt utsikta medan barna leikar seg!
Hjelmeland
Foto: Hjelmeland kommune
I sentrum av Hjelmeland, rett nedanfor parkeringa til Hjelmeland kyrkje finn du ein leikeplass. Her er rutsjebane, vippedyr og sandkasse. Det er også bord som de kan eta niste eller drikke litt kaffi. Nyt utsikta mot Nesvik og Ombo!
Fleire aktivitetar:
Bjødnabu
Bjødnabu ligg omlag 450 m.o.h. og er eit flott og populært turområde både sommar og vinter.
Hjelmeland på Gladmatfestivalen
Frå 2022 til 2025 har Hjelmeland samla lokale krefter på Gladmat – og tatt festivalpublikum og jury med storm.
Verdas største jærstol
Verdas største jærstol vart laga i samband med 100-årsjubiléet for jærstolindustrien i 1998.
Ritlandskrateret
For ca. 500 millionar år sidan krasjlanda ein meteoritt på Ritland! Krateret er ca. 2,7 km i tverrsnitt.
Turstiar på Jøsneset
På Jøsneset er det eit variert tilbod av turstiar som passer for dei fleste enten du vil ut på korte eller lengre turar, bratte eller meir flate.
